• અભિનેત્રી આશા પારેખને દાદાસાહેબ ફાળકે એવોર્ડ-2022થી સન્માનિત કરાશે

    રાષ્ટ્રીય 27-9-2022 11:04 AM
    • 22 વર્ષ બાદ મહિલા અભિનેત્રીને સન્માન, 69 વર્ષની કારકિર્દીમાં 95થી વધુ ફિલ્મમાં અભિનય કર્યો
    દિલ્હી
    આન મિલો સજના’ અને ‘કટી પતંગ’ જેવી ફિલ્મોમાં અભિનય કરનાર બોલિવૂડની દિગ્ગજ ગુજરાતી અભિનેત્રી આશા પારેખને ‘દાદા સાહેબ ફાળકે એવોર્ડ 2022’થી સન્માનિત કરવામાં આવશે. 60-70ના દાયકામાં પોતાની સુંદરતા અને અભિનયથી ચાહકોના દિલો પર રાજ કરનાર આશા પારેખને બોલિવૂડમાં તેમના અજોડ યોગદાન માટે આ સન્માનિત કરવામાં આવશે.

    આશા પારેખ હિન્દી સિનેમાની એક એવી અભિનેત્રી છે, જેણે ખૂબ જ નાની ઉંમરમાં બોલિવૂડમાં એન્ટ્રી કરી હતી. તેણે 1952માં આવેલી ફિલ્મ ‘મા’થી બાળ કલાકાર તરીકે ડેબ્યૂ કર્યું હતું. આ પછી, બાળ કલાકાર તરીકે, તેણે આસમાન, ધોબી ડોક્ટર, બાપ બેટી જેવી ફિલ્મોમાં કામ કર્યું. 1959 માં, તેણે શમ્મી કપૂરની વિરુદ્ધ ફિલ્મ ‘દિલ દેકે દેખો’ સાથે બોલિવૂડમાં મુખ્ય અભિનેત્રી તરીકે કામ કર્યું. આ ફિલ્મમાં આશા પારેખને ખૂબ પસંદ કરવામાં આવી હતી. આ પછી પીઢ અભિનેત્રીએ ક્યારેય પાછળ વળીને જોયું નથી અને તીસરી મંઝીલ, પ્યાર કા મૌસમ, મેરા ગાંવ મેરા દેશ જેવી સુપરહિટ ફિલ્મો આપી હતી. સરકાર દ્વારા આયોજિત ‘દાદા સાહેબ ફાળકે’ પુરસ્કારોથી અત્યાર સુધીમાં ઘણા બોલિવૂડ સ્ટાર્સને સન્માનિત કરવામાં આવ્યા છે. વર્ષ 2012 માં, હિન્દી સિનેમાના સૌથી લોકપ્રિય ખલનાયક અભિનેતા પ્રાણને દાદાસાહેબ ફાળકે એવોર્ડથી સન્માનિત કરવામાં આવ્યા હતા. આ પછી, 2013માં ગીતકાર ગુલઝાર, 2014માં શશિ કપૂર, 2015માં મનોજ કુમાર, 2017માં વિનોદ ખન્ના, 2018માં મેગાસ્ટાર અમિતાભ બચ્ચન અને વર્ષ 2021માં સાઉથ અને હિન્દી સિનેમાના સુપરસ્ટાર રજનીકાંતને હિન્દીમાં તેમના યોગદાન બદલ સન્માનિત કરવામાં આવ્યા હતા.

    આશા પારેખે 95 જેટલી હિંદી ફિલ્મમાં કામ કર્યું છે. 1999માં ‘સર આંખો પર’ તેમની છેલ્લી બોલિવૂડ ફિલ્મ હતી. આશાને 11વાર લાઇફ ટાઇમ અચીવમેન્ટ અવોર્ડથી સન્માનિત કરવામાં આવ્યા છે. 1992માં ભારત સરકારે પદ્મશ્રીથી સન્માનિત કરાયા હતા.
અન્ય સમાચારો...
Image
અચરજ
કોફીનો સૌથી મોટો કપ 18,000 લિટરથી વધુ હતો.
image
કેટલાક લોકો સવારે કોફીના કપ વિના કામ કરી શકતા નથી. જો કે, અત્યાર સુધીના સૌથી મોટા કપ કોફીનું સેવન કોઈ કરી શક્યું નથી, જે 18,012.07 લિટર હતું. 2018 માં વર્લ્ડ રેકોર્ડની કમાણી કરીને, કોફી એક કપમાં આવી જે 3.36 મીટર ઉંચો અને 3 મીટર વ્યાસનો હતો. તેને બનાવવામાં આખો મહિનો 22 લોકોને લાગ્યો!
Read More
Categories
મુખ્ય સમાચારગુજરાત વિધાનસભા 2022ગુજરાતમુખ્ય શહેરરાષ્ટ્રીયઆંતરરાષ્ટ્રીયમુખવાસરાશીભવિષ્યસ્પોર્ટ્સTarot Card Reader/ Trainerવ્યાપારસક્સેસ સ્ટોરીહેલ્થ ટિપ્સકવિતાઆર્ટિકલયુનિસેફ
Our Products
Copyright © 2021-22 M A Publications Pvt Ltd., All Rights Reserved
This website follows the DNPA Code of Ethics.