મુંબઇ
અદાણી ગ્રૂપ ફંડિંગ મેળવી અમુક બાકી લોન ચૂકવવામાં સફળ થતાં તેના શેરોમાં સુધારો જોવા મળ્યો હતો. પરંતુ છેલ્લા 3-4 દિવસથી અદાણી ગ્રૂપના મોટાભાગના શેરો ઘટાડાની ચાલ રમી રહ્યા હતા. જે આજે રિકવર થતાં નજરે ચડે છે. આજે તમામ 10 કંપનીઓના શેરો સુધારા પર ટ્રેડ થઈ રહ્યા છે. અદાણી ગ્રીન એનર્જીના શેર્સ આજે 5 ટકાની અપર સર્કિટ સાથે 891.15 પર ટ્રેડ થયા હતા. 11.44 વાગ્યે બીએસઈ ખાતે અન્ય શેરોમાં પાવર, ટોટલ ગેસમાં 3થી 4 ટકાનો સુધારો, અદાણી પોર્ટ્સમાં 0.15 ટકા નજીવા સુધર્યા હતા. જ્યારે અન્ય 6 શેરોમાં 1થી 2 ટકાનો ઉછાળો નોંધાયો હતો. ફાઈનાન્સિયલ ક્લોઝર બાદ પેટ્રોકેમિકલ પ્રોજેક્ટ શરૂ કરશે.
અદાણી ગ્રૂપ તેના ગ્રીનફિલ્ડ કોલ-ટુ-પોલીવિનાઇલ ક્લોરાઇડ પ્રોજેક્ટ માટે આગામી છ મહિનામાં ફંડિંગની વ્યવસ્થા કરવાની અપેક્ષા છે. ફાઈનાન્સિયલ ક્લોઝર બાદ આ સ્થળ પર સંપૂર્ણપણે કામકાજ શરૂ કરશે. પોર્ટ-ટુ-પાવર સમૂહે સોમવારે એક નિવેદનમાં જણાવ્યું હતું."અમે પ્રોજેક્ટને ઝડપી રીતે પૂર્ણ કરવા માટે પ્રતિબદ્ધ છીએ જેથી કરીને મૂળ સમયરેખાએ પૂર્ણ કરી શકાય."
અદાણી ગ્રૂપે રવિવારે મુદ્રા સ્થિત 349 અબજ રૂપિયાનો પેટ્રોકેમિકલ પ્રોજેક્ટ સસ્પેન્ડ કર્યો હતો. જે અદાણી એન્ટરપ્રાઈઝિસની પેટા કંપની છે. અદાણી ગ્રૂપ હાલ તેની મૂડી ખર્ચ યોજનાઓનું પુનઃઆકરણી કરી રહ્યા છે. ગ્રૂપે પ્લેજ શેરો, પેરિંગ કોસ્ટ અને લેણદારો-રોકાણકારો પાસેથી અમુક ફંડિંગ મેળવી બાકી લોનની ચૂકવણી પણ કરી હતી. જ્યારે પેટ્રોકેમિકલ પ્લાન્ટમાં એન્જિનિયરિંગ ડિઝાઇન અને અન્ય પ્રવૃત્તિઓ "એક્સિલરેટેડ મોડમાં" ચાલી રહી છે, ત્યારે જૂથે ભંડોળ સુરક્ષિત ન થાય ત્યાં સુધી "મુખ્ય સાધનોની પ્રાપ્તિ અને સાઇટ બાંધકામ પ્રવૃત્તિઓને હોલ્ડ પર રાખવાનો નિર્ણય લીધો છે".
અદાણી ગ્રૂપના શેરોની સ્થિતિ
સ્ક્રિપ્સ છેલ્લો ભાવ તફાવત
ACC 1,722.55 1.50%
ADANI ENTERPRISES 1,823.35 1.01%
ADANI GREEN ENERGY 891.15 5.00%
ADANI PORTS & SEZ 667.75 0.15%
ADANI POWER 196.25 3.13%
ADANI TOTAL GAS 884.40 3.67%
ADANI TRANSMISSION 1,021.00 1.13%
ADANI WILMAR 417.85 0.97%
AMBUJA CEMENT 369.20 1.01%
NDTV 202.45 1.58%