• એશિયાના સૌથી ધનિક ગૌતમ અદાણીને રોજના 1612 કરોડની કમાણી
    વ્યાપાર 22-9-2022 10:23 AM
    • અદાણીની સંપત્તિમાં 116 ટકાના વધારા સાથે કુલ 5,88,500 કરોડનો વધારો થયો
    દિલ્હી

    વિશ્વના બીજા ક્રમના અને એશિયાના સૌથી ધનિક અબજોપતિ ગૌતમ અદાણી 2022 IIFL વેલ્થ હુરુન ઈન્ડિયા રિચ લિસ્ટમાં ટોચ પર છે. હુરુન ઈન્ડિયાના રિપોર્ટ અનુસાર છેલ્લા એક વર્ષમાં ગૌતમ અદાણીની સંપત્તિમાં મોટો વધારો થયો છે. રિપોર્ટ મુજબ છેલ્લા એક વર્ષમાં અદાણીની સંપત્તિમાં 116 ટકાનો વધારો થયો છે અને કુલ મળીને તેમાં રૂ. 5,88,500 કરોડનો ઉમેરો થયો છે.દૈનિક ધોરણે અદાણીએ રૂ. 1,612 કરોડની કમાણી કરી છે.રિપોર્ટમાં ગૌતમ અદાણીની કુલ સંપત્તિ રૂ. 10,94,400 કરોડ આંકવામાં આવી છે.

    ગૌતમ અદાણી હાલમાં વિશ્વના બીજા સૌથી અમીર અબજોપતિ છે.ટેસ્લાના એલોન મસ્ક અદાણી કરતા આગળ છે. હુરુન ઈન્ડિયાના એમડી અનસ રહેમાન જુનૈદે જણાવ્યું હતું કે છેલ્લા પાંચ વર્ષમાં અદાણી ગ્રુપે એક્વિઝિશન અને ઓર્ગેનિક ગ્રોથ પર ધ્યાન કેન્દ્રિત કર્યું છે. આ કારણે, સંપત્તિમાં આશ્ચર્યજનક રીતે 1,440 ટકાનો વધારો થયો છે. ગ્રૂપની 7 કંપનીઓ સ્ટોક એક્સચેન્જમાં લિસ્ટેડ છે. છેલ્લા કેટલાક વર્ષોથી આ કંપનીઓની વૃદ્ધિ સતત વધી રહી છે. રિપોર્ટમાં કહેવામાં આવ્યું છે કે વર્ષ 2022 અદાણીની પુષ્કળ સંપત્તિ વૃદ્ધિ માટે યાદ રાખવામાં આવશે. તેઓ એકમાત્ર ભારતીય છે જેમણે એક લાખ કરોડની માર્કેટ કેપ સાથે સાત કંપનીઓ બનાવી છે.

    રિલાયન્સ ઇન્ડસ્ટ્રીઝના ચેરમેન મુકેશ અંબાણી અથવા અન્ય અબજોપતિઓની સરખામણીમાં અદાણીની સંપત્તિ રૂ. 3 લાખ કરોડથી વધુ છે. એ પણ મહત્વનું છે કે 2012માં અદાણીની સંપત્તિ અંબાણીની સંપત્તિના માંડ છઠ્ઠા ભાગની હતી. રિપોર્ટ અનુસાર છેલ્લા એક વર્ષમાં મુકેશ અંબાણીની સંપત્તિમાં 11 ટકાનો વધારો થયો છે. જો કે, તેણે 10 વર્ષમાં પ્રથમ વખત આ યાદીમાંથી પોતાનું ટોચનું રેન્કિંગ ગુમાવ્યું છે. રિપોર્ટમાં મુકેશ અંબાણીની સંપત્તિ 7.94 લાખ કરોડ રૂપિયા આંકવામાં આવી છે. જો છેલ્લા 5 વર્ષ પર નજર કરીએ તો મુકેશ અંબાણીની સંપત્તિમાં 115 ટકાનો વધારો થયો છે. રસી બનાવતી કંપની સીરમ ઈન્સ્ટિટ્યૂટના સાયરસ એસ પૂનાવાલા અને તેમના પરિવારની સંપત્તિમાં 25 ટકાનો વધારો થયો છે. અમીરોની યાદીમાં તે ત્રીજા સ્થાને છે.પૂનાવાલાની સંપત્તિ 2,05,400 કરોડ રૂપિયા હોવાનો અંદાજ છે.
અન્ય સમાચારો...
Image
અચરજ
કોફીનો સૌથી મોટો કપ 18,000 લિટરથી વધુ હતો.
image
કેટલાક લોકો સવારે કોફીના કપ વિના કામ કરી શકતા નથી. જો કે, અત્યાર સુધીના સૌથી મોટા કપ કોફીનું સેવન કોઈ કરી શક્યું નથી, જે 18,012.07 લિટર હતું. 2018 માં વર્લ્ડ રેકોર્ડની કમાણી કરીને, કોફી એક કપમાં આવી જે 3.36 મીટર ઉંચો અને 3 મીટર વ્યાસનો હતો. તેને બનાવવામાં આખો મહિનો 22 લોકોને લાગ્યો!
Read More
Categories
મુખ્ય સમાચારગુજરાત વિધાનસભા 2022ગુજરાતમુખ્ય શહેરરાષ્ટ્રીયઆંતરરાષ્ટ્રીયમુખવાસરાશીભવિષ્યસ્પોર્ટ્સTarot Card Reader/ Trainerવ્યાપારસક્સેસ સ્ટોરીહેલ્થ ટિપ્સકવિતાઆર્ટિકલયુનિસેફ
Our Products
Copyright © 2021-22 M A Publications Pvt Ltd., All Rights Reserved
This website follows the DNPA Code of Ethics.