• વીજ વિતરણ કંપનીઓનું બાકી લેણું 25 હજાર કરોડ ઘટ્યું

    વ્યાપાર 1-12-2022 09:27 AM
    • વીજ કંપનીઓ માટે નવા રેગ્યુલેશન સરકાર માટે આશીર્વાદ સમાન
    નવી દિલ્હી

    વીજ મંત્રાલય દ્વારા લેટ પેમેન્ટ સરચાર્જ સહિતના નિયમોમાં આકરૂ વલણ દર્શાવવામાં આવતાં વીજ ઉત્પાદિત, વેચાણ અને વેપારીઓ સહિત વીજ વિતરણ કંપનીઓ (ડિસ્કોમ)ની બાકી લેણાંની રકમ છેલ્લા છ મહિનામાં રૂ. 24,680 કરોડ ઘટીને રૂ. 1,13,269 કરોડ થઈ છે. વીજ (LPS અને સંબંધિત બાબતો) નિયમો, 2022ના અમલીકરણ સાથે, વીજ ઉત્પાદન અને ટ્રાન્સમિશન કરતી કંપનીઓ અને વેપારીઓ સહિત સપ્લાયરોના બાકી લેણાંની વસૂલાતમાં નોંધપાત્ર સુધારો જોવા મળ્યો હોવાનું વીજ મંત્રાલયે જણાવ્યું છે. 3 જૂન, 2022માં ડિસ્કોમ્સની કુલ બાકી 1,37,949 કરોડ હતી. જે છેલ્લા ચાર એમઆઈની ચૂકવણીના કારણે 24680 કરોડ ઘટી 113269 કરોડ થઈ છે. રૂ. 24,680 કરોડના EMIની ચુકવણી માટે, પાંચ રાજ્યોએ PFC (પાવર ફાઇનાન્સ કોર્પોરેશન) અને REC લિમિટેડ પાસેથી રૂ. 16,812 કરોડની લોન લીધી છે અને આઠ રાજ્યોએ પોતાની જાતે વ્યવસ્થા કરી હતી. નિયમ હેઠળની કાર્યવાહી ટાળવા માટે વિતરણ કંપનીઓ બાકી લેણાંની ચૂકવણી સમયસર કરી રહી છે. છેલ્લા પાંચ મહિનામાં વીજ કંપનોએ કુલ રૂ. 1,68,000 કરોડ લેણાંની ચૂકવણી કરી છે. હાલ માત્ર એક જ ડિસ્ટ્રિબ્યૂશન કંપની JBVNL બાકી લેણાં ન ચૂકવવા બદલ રેગ્યુલેશન હેઠળ છે.

    પાવર સેક્ટરની નાણાકીય સદ્ધરતા રિકવર થશે
    વિતરણ કંપનીઓના બાકી લેણાં 18 ઓગસ્ટ, 2022ના રોજ રૂ. 5,085 કરોડથી ઘટાડી રૂ. 205 કરોડ કરવામાં આવ્યા છે.અત્યાર સુધી પ્રાપ્ત થયેલા પરિણામોના આધારે, એવી અપેક્ષા રાખવામાં આવે છે કે લેટ પેમેન્ટ સરચાર્જ (LPS) નિયમોના કડક અમલીકરણથી દેશમાં પાવર સેક્ટરની નાણાકીય સદ્ધરતા પાછી લાવશે અને ગ્રાહકોને 24x7 વીજળીની વિશ્વસનીયતા સુનિશ્ચિત કરવા રોકાણ આકર્ષશે. આ નિયમના લીધે માત્ર એટલું જ સુનિશ્ચિત કર્યું નથી કે બાકી લેણાં ઘાલખાધ ખાતે માંડી વાળવામાં આવે પરંતુ વર્તમાન લેણાં સમયસર ચૂકવવામાં આવે તે પણ સુનિશ્ચિત કર્યું છે. નવા નિયમોએ ડિસ્કોમ્સમાં નાણાકીય શિસ્ત સુનિશ્ચિત કરવામાં મહત્વપૂર્ણ ભૂમિકા ભજવી છે.

અન્ય સમાચારો...
Image
કોફીનો સૌથી મોટો કપ 18,000 લિટરથી વધુ હતો.
image
કેટલાક લોકો સવારે કોફીના કપ વિના કામ કરી શકતા નથી. જો કે, અત્યાર સુધીના સૌથી મોટા કપ કોફીનું સેવન કોઈ કરી શક્યું નથી, જે 18,012.07 લિટર હતું. 2018 માં વર્લ્ડ રેકોર્ડની કમાણી કરીને, કોફી એક કપમાં આવી જે 3.36 મીટર ઉંચો અને 3 મીટર વ્યાસનો હતો. તેને બનાવવામાં આખો મહિનો 22 લોકોને લાગ્યો!