• ફૂટબોલ યુરો કપ-2024 સુધીરોનાલ્ડો નિવૃત્તિ જાહેર નહીં કરે
    સ્પોર્ટ્સ 22-9-2022 01:37 PM
    લિસ્બન

     જાણીતા ફૂટબોલ ખેલાડી ક્રિસ્ટિયાનો રોનાલ્ડોના ચાહકો માટે સારા સમાચાર એ છે કે આગામી બે વર્ષ સુધી તેનો મનપસંદ ફૂટબોલ ખેલાડી નિવૃત્તિ લેવાનો નથી. રોનાલ્ડો હવે યુરો 2024 સુધી ફૂટબોલ રમવાનું ચાલુ રાખવા માંગે છે. આ વાત તેણે પોતે એક એવોર્ડ સમારોહમાં જણાવી હતી.

    લિસ્બનમાં ફૂટબોલ ફેડરેશન ઓફ પોર્ટુગલ (FPF) દ્વારા આયોજિત એવોર્ડ સમારોહમાં રોનાલ્ડોને તેના દેશ માટે સૌથી વધુ ગોલ કરવા બદલ સન્માનિત કરવામાં આવ્યો હતો. આ દરમિયાન તેણે કહ્યું હતું કે ‘મારી સફર હજુ પૂરી થઈ નથી. હું વર્લ્ડ કપ અને યુરોનો ભાગ બનવા માંગુ છું. હું આ માટે ખૂબ જ ઉત્સાહિત છું અને મારું લક્ષ્યલ એકદમ સ્પષ્ટ છે.

    રોનાલ્ડોએ પોતાની કારકિર્દીમાં પોર્ટુગલ માટે 189 મેચમાં 117 ગોલ કર્યા છે. ગયા વર્ષે સપ્ટેમ્બરમાં સૌથી વધુ આંતરરાષ્ટ્રીય ગોલ કરવાનો રેકોર્ડ રોનાલ્ડોના નામે હતો. તેણે આયર્લેન્ડ સામે ગોલ કરીને મહાન ઈરાની ફૂટબોલર અલી દાઈના 109 ગોલના રેકોર્ડને તોડી નાખ્યો હતો. ઉલ્લેખનીય છે કે રોનાલ્ડો હવે કતારમાં નવેમ્બરથી શરૂ થઈ રહેલા વર્લ્ડ કપ 2022માં પોતાના દેશ માટે રમતા જોવા મળશે. આ તેની 10મી મોટી આંતરરાષ્ટ્રીય ટૂર્નામેન્ટ હશે.રોનાલ્ડો હાલમાં માન્ચેસ્ટર યુનાઈટેડ માટે ક્લબ ફૂટબોલ રમે છે. છેલ્લી સિઝનમાં તેણે પોતાની જૂની ક્લબ માટે શાનદાર રમત બતાવી હતી. જો કે ગયા વર્ષે યુનાઈટેડનું એકંદર પ્રદર્શન કંઈ ખાસ રહ્યું ન હતું. આ વખતે નવી સિઝનની શરૂઆત પહેલા એવી પણ જોરશોરથી ચર્ચા થઈ હતી કે રોનાલ્ડો યુનાઈટેડ છોડી શકે છે, જો કે તે તેની ક્લબ સાથે જ છે.
અન્ય સમાચારો...
Image
અચરજ
કોફીનો સૌથી મોટો કપ 18,000 લિટરથી વધુ હતો.
image
કેટલાક લોકો સવારે કોફીના કપ વિના કામ કરી શકતા નથી. જો કે, અત્યાર સુધીના સૌથી મોટા કપ કોફીનું સેવન કોઈ કરી શક્યું નથી, જે 18,012.07 લિટર હતું. 2018 માં વર્લ્ડ રેકોર્ડની કમાણી કરીને, કોફી એક કપમાં આવી જે 3.36 મીટર ઉંચો અને 3 મીટર વ્યાસનો હતો. તેને બનાવવામાં આખો મહિનો 22 લોકોને લાગ્યો!
Read More
Categories
મુખ્ય સમાચારગુજરાત વિધાનસભા 2022ગુજરાતમુખ્ય શહેરરાષ્ટ્રીયઆંતરરાષ્ટ્રીયમુખવાસરાશીભવિષ્યસ્પોર્ટ્સTarot Card Reader/ Trainerવ્યાપારસક્સેસ સ્ટોરીહેલ્થ ટિપ્સકવિતાઆર્ટિકલયુનિસેફ
Our Products
Copyright © 2021-22 M A Publications Pvt Ltd., All Rights Reserved
This website follows the DNPA Code of Ethics.