• GST ટેક્સ સિસ્ટમમાં ફેરફારની શક્યતા નહીં તેમજ ટેક્સના દર મર્જ નહીં કરાય
    વ્યાપાર 7-2-2023 08:19 AM
    • ગ્રાહકો પરનો બોજ ઘટાડવાના હેતુથી GST કર પ્રણાલીમાં ફેરફાર કરવાની માંગ પરંતુ
    નવી દિલ્હી

    ગ્રાહકો પરનો બોજ ઘટાડવા માટે જીએસટીના દરમાં ફેરફાર કરવાની માગ છેલ્લા કેટલાક સમયથી છે પરંતુ નાણામંત્રીએ ટેક્સના દરમાં ફેરફાર કરવાની સ્પષ્ટ ના પાડી દીધી છે. GST ટેક્સ સિસ્ટમમાં ફેરફારની અપેક્ષા રાખનારા કરદાતાઓને કોઈ રાહત મળે તેમ લાગતું નથી. વાસ્તવમાં, મહેસૂલ સચિવ સંજય મલ્હોત્રાએ સોમવારે કહ્યું હતું કે ભારત આગામી નાણાકીય વર્ષમાં તેની ગુડ્સ એન્ડ સર્વિસ ટેક્સ સિસ્ટમમાં કોઈ ફેરફાર કરશે નહીં. ટેક્સ માળખાને સરળ બનાવવા અને ગ્રાહકો પરનો બોજ ઘટાડવા માટે એક વર્ષથી વધુ સમયથી ફેરફાર પર વિચાર કરવામાં આવી રહ્યો હતો. હાલમાં સમગ્ર દેશમાં GST માટે 0 ટકાથી 28 ટકા સુધીના પાંચ ટેક્સ દર લાગુ છે.

    જીએસટી ટેક્સ રેટ વિશે ટીકાઓ થતાં 2021માં, સરકારે GSTના બે ટેક્સ દરોને મર્જ કર્યા હતા. ઘણી વસ્તુઓ પર લાગુ થતા દરોમાં ઘટાડો કરીને ટેક્સ સુધારાની વિચારણા કરી હતી. મહેસૂલ સચિવ સંજય મલ્હોત્રાએ એક ઈન્ટરવ્યુમાં જણાવ્યું હતું કે અત્યારે અમે માત્ર સ્થિરતા (કરના દરોમાં) જાળવવા માગીએ છીએ, એક સ્થિર કર વ્યવસ્થા. તેમણે કહ્યું કે નાના ફેરફારો હંમેશા થશે, પરંતુ અમે 2023/24માં GST ટેક્સના દરોને મર્જ કરવા જેવા કોઈ ફેરફાર કરવાની યોજના બનાવી રહ્યા નથી. સરકાર આખરે ટેક્સ બેન્ડ ઓછી રાખવા માંગશે, પરંતુ સમયમર્યાદા આપી નથી. નીચા દરો માટે ચોક્કસપણે લક્ષ્ય છે અને ટેક્સ સ્લેબ ઘટાડવાનો અવકાશ હોઈ શકે છે. તે ક્યારેક કરી શકાય છે, પરંતુ હવે નહીં. ભારત સરકાર કસ્ટમ ડ્યુટી માટે તેના કરવેરા માળખાને પણ સરળ બનાવવાનો પ્રયાસ કરી રહી છે. કસ્ટમ રેટમાં ઘટાડો થાય.

    GST કલેક્શનમાં 12 ટકાનો વધારો થવા અંદાજ
    નાણામંત્રી નિર્મલા સીતારમણે ગયા અઠવાડિયે 2023/24નું બજેટ રજૂ કર્યું છે. તેમણે સરકાર માટે નેટ GST કલેક્શનમાં 12 ટકાનો વધારો થવાનો અંદાજ મૂક્યો છે. 2022/23 માટે સરકારનો લક્ષ્યાંક રૂ. 8.54 લાખ કરોડ ($103.20 બિલિયન) એકત્રિત કરવાનો છે. વૈશ્વિક સ્લોડાઉન વચ્ચે પણ ભારતીય અર્થતંત્ર મજબૂત હોવાનો યોગ્ય પુરાવો જીએસટી કલેક્શન દર્શાવે છે. છેલ્લા કેટલાક સમયથી દર મહિને જીએસટી કલેક્શન 1.4 લાખ કરોડથી વધુ રહ્યું છે. 

અન્ય સમાચારો...
Image
અચરજ
કોફીનો સૌથી મોટો કપ 18,000 લિટરથી વધુ હતો.
image
કેટલાક લોકો સવારે કોફીના કપ વિના કામ કરી શકતા નથી. જો કે, અત્યાર સુધીના સૌથી મોટા કપ કોફીનું સેવન કોઈ કરી શક્યું નથી, જે 18,012.07 લિટર હતું. 2018 માં વર્લ્ડ રેકોર્ડની કમાણી કરીને, કોફી એક કપમાં આવી જે 3.36 મીટર ઉંચો અને 3 મીટર વ્યાસનો હતો. તેને બનાવવામાં આખો મહિનો 22 લોકોને લાગ્યો!
Read More
Categories
મુખ્ય સમાચારગુજરાત વિધાનસભા 2022ગુજરાતમુખ્ય શહેરરાષ્ટ્રીયઆંતરરાષ્ટ્રીયમુખવાસરાશીભવિષ્યસ્પોર્ટ્સTarot Card Reader/ Trainerવ્યાપારસક્સેસ સ્ટોરીહેલ્થ ટિપ્સકવિતાઆર્ટિકલયુનિસેફ
Our Products
Copyright © 2021-22 M A Publications Pvt Ltd., All Rights Reserved
This website follows the DNPA Code of Ethics.