- ‘લાલબાગ કા રાજા’ના દર્શન માટે ગયેલા વિક્કી કૌશલને ટોળાએ ઘેરી લીધા વીડિયો વાયરલ થયો
ગણેશ ચતુર્થીના અવસરે ઘણા બોલીવુડ સેલેબ્સે પોતાના ઘરમાં બાપ્પાનું સ્વાગત કર્યું તો કેટલાક બાપ્પાના દર્શન માટે મુંબઈમાં લોકપ્રિય લાલબાગચા રાજાના દર્શન કરવા પહોંચ્યા. બોલીવુડ અભિનેતા વિક્કી કૌશલ પણ લાલબાગ કા રાજાના દર્શન માટે પહોંચ્યા હતા જ્યાંથી તેમનો એક વીડિયો સોશિયલ મીડિયા પર ઝડપથી વાયરલ થઈ રહ્યો છે. બાપ્પાના દર્શન માટે પહોંચેલા વિક્કી કૌશલને ત્યાં ભીડે ઘેરી લીધા. બુધવારે મોડી રાતે અભિનેતાનો એક વીડિયો સોશિયલ મીડિયા પર વાયરલ થયો જેમાં અભિનેતા લાલબાગ કા રાજા પહોંચતા જ તેઓ ભીડની વચ્ચે ફસાયેલા નજર આવી રહ્યા છે.વીડિયોમાં વિક્કીને લોકોથી ઘેરાયેલા જોઈ શકાય છે. તેમની આસપાસ હાજર પોલીસ કર્મચારી તેમની મદદ કરવાનો પ્રયત્ન કરી રહ્યા છે પરંતુ અભિનેતાને જોઈને ભીડ એટલી બેકાબૂ થઈ ગઈ કે વિક્કીને ભીડમાંથી બહાર કાઢવામાં તેમની પણ હાલત ખરાબ થઈ ગઈ. જોકે, વાયરલ વીડિયોમાં વિક્કીને શાંત રહીને ચાહકો સાથે વાતચીત કરતા પણ જોઈ શકાય છે.ઉલ્લેખનીય છેકે વિક્કી કૌશલ પહેલા લાલબાગ કા રાજાના દર્શન માટે વરૂણ ધવન તેમની પત્ની નતાશા દલાલ સાથે બાપ્પાના આશીર્વાદ લેવા પહોંચ્યા હતા. આ સિવાય કાર્તિક આર્યન પણ પહોંચ્યા હતા. તેમજ પર્લ વી પુરી, દિવ્યા ખોસલા કુમાર સહિત અન્ય ઘણા સ્ટાર્સ પણ લાલબાગ કા રાજાના દર્શન માટે પહોંચ્યા જેની તસવીરો અને વીડિયો સોશિયલ મીડિયા પર વાયરલ છે.
અન્ય સમાચારો...
ચીનમાં તરતુ ગામ, 1300 વર્ષથી દરિયાની વચ્ચે વસવાટ કરે છે લોકો
ટેકનોલોજી માટે જાણીતા ચીનમાં એક એવું ગામ છે, જે હજારો વર્ષોથી દરિયાની વચ્ચે વસે છે. છેલ્લા 1300 વર્ષથી તરતી બોટ પર વસેલા આ ગામમાં 2000 થી વધુ ઘર ધરાવે છે. આ ગામ ચીનના ફુજિયન પ્રાંતમાં આવેલા નિંગડે શહેરમાં આવેલું છે. આ ગામનું નામ ટાંકા છે, જ્યાં હજારો લોકો પેઢીઓથી પાણીમાં પોતાનું જીવન જીવી રહ્યા છે. આ ગામમાં સાડા આઠ હજારથી વધુ લોકોની વસ્તી રહે છે. ગામલોકોએ દરિયાની વચ્ચે તમામ પ્રકારની સગવડો ઊભી કરી છે. ટંકા ગામના લોકોની મુખ્ય આજીવિકા માછીમારી છે. ગામના લગભગ તમામ લોકો માછલી પકડીને પોતાનું ગુજરાન ચલાવે છે. ગામમાં રહેતા લોકોએ માત્ર પાણીમાં તરતા ઘરો જ બનાવ્યા નથી, પરંતુ લાકડામાંથી મોટા પ્લેટફોર્મ પણ બનાવ્યા છે.
Copyright © 2021-22 M A Publications Pvt Ltd., All Rights Reserved
This website follows the DNPA Code of Ethics.
