‘અકવાન’ ચક્રવાત બન્યું; આંધ્ર–દક્ષિણ ઓડિશા કાંઠા માટે ઑરેન્જ સંદેશ.
હવામાન વિભાગના ૧૭ નવેમ્બરની સવારે ૯.૩૦ વાગ્યે બહાર પાડવામાં આવેલા બુલેટિન પ્રમાણે, સવારે ૫.૩૦ વાગ્યાની સ્થિતિએ ‘અકવાન’ દક્ષિણ અને તેને અડીને આવેલા પશ્ચિમ-મધ્ય બંગાળની ખાડીના મધ્ય વિસ્તારમાં કેન્દ્રિત હતું. તટ પાર કરતી વખતે સતત પવનની ઝડપ કલાકે ૧૨૦થી ૧૩૦ કિમી તથા ઝાટકામાં ૧૪૫ કિમી સુધી પહોંચવાની આગાહી કરાઈ છે. તટીય આંધ્ર પ્રદેશમાં ૧૯ અને ૨૦ નવેમ્બરે અનેક સ્થળોએ ભારેથી અતિ ભારે વરસાદ પડી શકે છે. પ્રકાશમ, બાપટલા, કૃષ્ણા, પશ્ચિમ ગોદાવરી, કોનસીમા અને કાકીનાડા સહિતના નીચાણવાળા કાંઠાકીય વિસ્તારોમાં સામાન્ય ખગોળીય ભરતી કરતાં એકથી બે મીટર ઊંચા દરિયાઈ ઉછાળાની શક્યતા વ્યક્ત કરવામાં આવી છે. હવામાન વિભાગે માછીમારોને ૨૦ નવેમ્બર સુધી દક્ષિણપશ્ચિમ અને પશ્ચિમ-મધ્ય બંગાળની ખાડીમાં ન જવાની ચેતવણી આપી છે.
Become a member to read the complete story
Already a member? Sign in once to continue reading. If your membership is active, you do not need to register again.
Location-based introductory membership · Secure online payment


